Buerie båeteme histovrijes spïelese saemien bïjre Klemet jallh Kleamma, akte spiele maam ålkone åehpiedahta dennie tjaebpies vuemesne Laajroedurrie Hemnesen tjïeltesne, Vuaksantjahken maadtegisnie – Noerhte-Nöörjen jollemes vaerie. Eadtjohke, voenges maanah jïh noerh profesjonelle dorjehtæjjajgujmie jïh musihkerigujmie ektine, datnem meatan vaeltieh Kleamman jieleden tjïrrh. Dej klaeriedihks åehpiedehtiemisnie dovne musihke, dorjehtimmie, daanhtsoe jïh vuelie.

Kleamma sov fuelhkine lihpien nuelesne Laajroedurresne årroeji evteben jaepietjuetiemålsomen. Dïhte lij ålma mij almetjidie dovne meeli jïh belti, seapan dan åvteste daaroeh jïh saemieh idtjin sinsitniem guarkoeh sijjen joekehts kultuvri gaavhtan. Jeahtasovvi Kleamma meehti nåajtodh, men aaj båehtjierdidh. «Klemetspelet» Kleamman jïh gåmmebe Annan mytiske jieledem vuesehte, jïh gieltegs guvviem boelhkeste jïh seabradahkeste vadta mij dovne ammes, men læjhkan aelhkie damtijidh daan beajjetje seabradahkesne.

Dajvesne spïelen bïjre datne nuepiem åadtjoeh dam gieltegs aajmoem dååjredh mij lij dennie båeries maarhnesne. Maarhnesne maahta aerpievuekien beapmoem åestedh, båeries vytnesjimmievuekiej bïjre lïeredh jïh voenges tjeahpoem «laajroegallerijesne» vuejnedh. Lissine musihkese, sjollehtæmman jïh auksjovnese, aaj jïjnjh jeatjah darjomh almetjidie gaajhkine aaltarinie.

Dovne spïele jïh maarhna leah gaertienisnie «Jamtjorden» Laajroedurresne. Daejnie tjaebpies dajvine aaj Kleamma jïh Anna sotnen minngemes jaepieh veasoejigan. Laajroedurrie jïh Hemnesen tjïelte leah gaskoeh Helgelaantem, Polaregievlien lïhke. Laajroedurrie aaj dïhte bööremes sijjie gubpede guhkies jallh åenebe tuvrh Vuaksantjahkesne jïh Vuaksantjahken jiehkesne vaadtsa, Nöörjen 8. stööremes jiehkie.

Daejnie joekoen tjaebpies dajvine mejtie Kleamma dan gaarhti, datne tsïeglesjamme baalkah jïh hæhtjoeh gaavnh mah leah ræhpas gaajhkesidie mah sijhtieh jïjjedidh. Akte joekoen sjïere orre hæhtjoe, «Rabothytta» mij nommem dehtie fraanske geologeste Charles Rabot åådtjeme, rïhpesti 2014. Hæhtjoe 1200 meeterh mearoen bijjelen eevre jiehkieraedtesne, jïh debpede åajvoeh beavnere eevre Helgelaanten gaedtiebealan. Kleamma lij Raboten væjsaldahke vaeresne, jïh dah guaktah ligan doh voestes gïeh lin jallatjommesen nelnie aktene Noerhte-Nöörjen jollemes tjahkeste Vuaksantjahkesne. Dagke lastoem åadtjoeh dej juelkiegïejine vaedtsedh?

Jaepien 2024 Klemetspelet sjædta mïetsken 15 – 17.b, mearan maarhna lea mïetsken 15. b raejeste – 18.b. raajan. Rætnoe tjaangemeleahpah bæjhkoehtibie!

Buerie båeteme!

Vielie bïevnesh, gaskesadth: post@klemetspelet.no

Jeatjah nuhteligs svaalhtesh: visitokstindan.com | www.visithelgeland.com